Mahirap maniwala at tumugon sa tama
Kung sa paligid mo ay mali ang ginagawa
Pangkaraniwan na ang mga salita't kataga
"Ganun talaga wala na tayong magagawa"
Sa sarili naitanong, kailangan bang sumabay
O kaya may tapang salubungin ang kilay
Maging bayani di kilala o bangkay
Dahil sa kinagawian maraming sumasakay
Hindi ko man kayang baguhin ang sistema
Kaya ko rin naman di maging bahagi diba?
Dahil sa sarili alam ko, may ibang paraan
Kahit maging iba, wag lang maging tulad nila
